ગીત

હું સેજ સજાવું .સેજ સોહાવું

હું પ્રિયદર્શીની,મનમોહિની,ગજગામિની
હું લલચામણી ,લોભામણી, સમ્મોહીની,

કામાંધ તુ મોહાંધ તુ ધર્માંધ તુ
હું કામિની, હું દામિની, હું યોગીની
હું જ મહિસાસુરમર્દિની,

શોષિત તુ લોભીત તુ ગર્વિષ્ટ તુ
હું દેવાંગના, વારાંગના ,વીરાંગના
હું જ રક્તબીજ સંહારીણી,

હું સ્પર્શતી ,હું સ્પૃહતી, હું મેહ્ક્તી,
વીટળાઈ જા, સમાઈ જા ,
મુજ સ્પર્શ માં મુજ મોહ માં,

ના હોશ હો ના મદહોશ હો,
ના સ્વર્ગ હો ના નર્ક હો
બસ! એકલિંગ હો ,

આકાર માં નીરાકારમાં ,
સર્જન માં વિસર્જન માં,

હું જ શક્તિસ્વરૂપીણી

અસ્મિતા