ગઝલ

🙏🙏जय माँ करणी जी🙏🙏

कर किरपा किनियाण,अरजी सुणनै अम्बिका।
धरूँ मै  थारौ ध्यान, डाढ़ाळी माँ डोकरी।।1।।

अवनी पूरो आस,सेवग आयो सरण में।
बड़ो अम्ब विस्वास,डाढ़ाळी माँ डोकरी।।2।।

देवी मढ़ देसाण,सुण सेवग री सारदा।
कर किरपा किनियाण,डाढ़ाळी माँ डोकरी।।3।।

आवड़ आईनाथ,भगत भण्डारा भरणी।
सगती देवै साथ,सिवरयां सरदा भाव सूं।।4।।

सुणजै सायर साद,इंदर करनल आवड़ा।
तुंही आद अनाद,मोटी कहिजे मावडी।।5।।

सुणतां सेवग साद,कस्ट मेटजो करनला।
अवनी करतां याद,अवस आवज्यो आवड़ा।।6।।

अजेय सेवग आज,आई सिवरै आपनै।
मेहाई महाराज, बेगी आजै बिशहथी।।7।।

🙏अजयसिंह राठौड़ सिकरोड़ी🙏