'લૂક' જોઇને 'લાઈક', ને મસ્ત કોમેન્ટ મળે,
ફેસબુકે 'ફેસ' સારો, તો સૌ કો' તૂટી પડે !
'હેક' કરે, ટેગ કરે, 'કોપી' કરે, 'બ્લોક' કરે,
લખ્ખણ ઢાંક્યા ન રહે, લાખ વાનાં છો કરે !
કોઈ ચહેરો નકલી, એવો ક્યાંક ઝળહળે,
સૌ ભરે એને સલામો, અસલી ઝૂર્યા કરે !
આ સારો ને આ નઠારો, ચડસાચડસી ચાલે,
સ્નાનસૂતક નહીં ને, ચાલુ ગાડીએ ચડે !
મળે ફ્રેન્ડ, ગર્લફ્રેન્ડ, હાફ ગર્લફ્રેન્ડ અહીં,
કોઈ મળે એવુંય કે, જિંદગી એમાં જડે !
- મગન 'મંગલપંથી'
No comments:
Post a Comment