એક-બે શિકાયત છે,એક-બે શિખામણ છે,
પીઠ પર બધાની બસ એક જેવું ભારણ છે.
એ રીતે દરદના પણ રંગ રૂપ બદલાશે,
જે રીતે નવો સૂરજ રાતનું નિવારણ છે.
ખળખળી જવું જોઈ ક્યારનો મથે છે એ,
પાણનું પીગળવું ક્યાં આજની મથામણ છે !
તીર નાભિ પર વાગે એની રાહમાં ભટકે,
આપણું આ મન પણ તો દસ મથાડો રાવણ છે.
મેચ થાય ફ્રિક્વન્સી તો એ સ્પષ્ટ દેખાશે,
દોડતાં આ દૃશ્યો સૌ ઈશ્વરી પ્રસારણ છે.
-જિગર ફરાદીવાલા
No comments:
Post a Comment