ગાલગાગા ગાલગાગા ગાલગાગા ગાલગા
લાગણીઓ તો અમારામાં ય જાગી જાય છે ,
કોઈજો નિર્દોષ હસતો બાળ જ્યાં દેખાય છે ,
યાદ આવે છે અમારાં બાળકો અમને ઘણાં ,
દેશ સામે લાગણીઓ વામણી વર્તાય છે ,
વાર આવે ને તહેવારો ય આવે છે ઘણાં ,
તોપમારાએ અમારી તો ઉજાણી થાય છે ,
સરહદોની સીમ અંદર બસ ઘરો છે એટલાં ,
ના બચાવું એય માં નું દૂધ પણ લજવાય છે ,
આંખ ફોડી નાખશું જો આંખ રાખી કોઈએ ,
સૈનિકો માં ભોમ કાજે રક્તમાં તો ન્હાય છે .
હિના શાહ " મહેંદી "
No comments:
Post a Comment