ચાલે છે જમીનથી બે પગ અધર માણસ બદલાઈ ગયો
પૈસા થી થઈ ગયો છે જણ સધર માણસ બદલાઈ ગયો
મસ્ત બની ફરે દર દર એતો દિવાનગી ના મદહોષ માં
મંદિર માં પ્રભુને સમજે છે પથ્થર માણસ બદલાઈ ગયો
બંગલા બનાવી મોટા ઝુલે હીચકા માં જણ કેવો એકલો
માબાપ ને વૃદ્ધાશ્રમની બતાવે ડગર માણસ બદલાઈ ગયો
હેત પ્રેમ ને લાગણી મુકી દીધા છે ગીરવે આજ આદમીએ
મકાન માં રહે છે બધા સ્નેહ વગર માણસ બદલાઈ ગયો
કિતાબ કલમ ને ચોપડી હાથ લીધાને વરશો વીતી ગયા
હવેતો હાથમાં રાખે છે રોજ ખંજર માણસ બદલાઈ ગયો
આવકારો મીઠો મહેમાન તણો ભૂતકાળ આજ બની ગયો
આવકાર”મૌન”બની ભટકે છે દર-દર માણસ બદલાઈ ગયો
વિનોદ બી.ગુસાઈ”મૌન”
No comments:
Post a Comment