ગઝલ

*_ગઝલ_*

રાહમાં મારી અચાનક જો તમે આવી ગયા,
આ બધાં રસ્તા ભલે અઘરા ! મને ફાવી ગયા,

આમ અંધારું સતત હેરાન કરતું ઘર મહીં,
સુર્યના આ કિરણો મુજ દ્વાર ખખડાવી ગયા,

માત્ર તારો છું, અને તારો જ રહેવાનો હતો,
તેં છતા મારા પ્રણયને  કેમ દૂભાવિ ગયા!

આજતો તેઓ અચાનક સ્વપ્નમાં આવ્યાં હતાં,
આજ વર્ષો બાદ  અનહદ પ્રેમ છલકાવી ગયા,

આમતો હું એકલો તડપ્યો હતો આ પ્યારમાં,
ફક્ત આલિંગન કર્યુંને  એય તડપાવી ગયા,

સાથ પ્રિયે હોય તો ઇશ્વર મને નાં જોઈએ,
એ પછીતો ઝેર કડવું  સર્વ ગટકાવી ગયા,

પ્રેમમાં જો મોત આવે તોય ચિંતાના રહે,
સાથ સાથી જો મળ્યો તારો, અમે  જીવી ગયા!

*_હર્ષ . " સાથી "_*