ગઝલ

નથી ભીની હવે આંખો,દુઃખોમાં ક્યાં કશો દમ છે;
ભલા બે પળ રહું ખુશ બ્હારથી,એનો તને ગમ છે?

નથી આવ્યા તમે વળતાં,કશે કુંપળ મળી કે શું?
ખરી જાશે સુકી આ જિંદગી,રસહીન મોસમ છે.

મુબારક હો તને મારા રકીબ!દુઆ કબુલ થાજો;
ભલે યાદો રહી છેલ્લી;ઘરે ગમગીન માતમ છે.

રસ્તા આજે અલગ છે આપણા,કદમો ય ફંટાશે;
કદી ચાલ્યા હતા હાથે મિલાવી હાથ,એ કમ છે?

હવે ક્યારે અચાનક આવશે?છું હું અજાણ 'અગમ',
સત્કાર કરીશ મોત તણો,સજાવી લાલ જાજમ છે.

-શૈલેષ ચૌધરી 'અગમ'