ગઝલ-લખવા જ હમણાં.
ખૂદને તાકીને બેઠો છું ગઝલ લખવા જ હમણાં,
હુ મને વાંચીને બેઠો છું ગઝલ લખવા જ હમણાં.
વાંચતાની વ્હેત તમને એવું પણ લાગે, તમે છો,
આપને જાણીને બેઠો છું ગઝલ લખવા જ હમણાં.
જેટલાં છે એટલા કારણ તને આપી શકુ છું,
કાળને જાણીને બેઠો છું ગઝલ લખવા જ હમણાં.
વાંસળી શાથી વગાડે તું ગઝલમાં ? સૌ પૂછે છે,
પ્રીતને પામીને બેઠો છું ગઝલ લખવા જ હમણાં.
આંખમાં આંસુનું મારણ શ્વાસનો ડૂમો ગઝલમાં,
મિત્રને બાળીને બેઠો છું ગઝલ લખવા જ હમણાં.
- કૌશિક પરમાર " ઉસ્તાદ "
No comments:
Post a Comment