ગઝલ

હ્યદયમાં ને આંખોમાં તારી છબી છે,
પ્રણય નામના ચિત્રકારે ઘડી છે.

કહે છે મને કે ખબર પણ નથી આ-
પ્રણય છે કે શું બસ મને લાગણી છે.

મને એક શંકા છે તારા ઉપર પણ,
કહે, ચાંદની તારાથી ઝળહળી છે ?

આ ઝૂલ્ફોથી આજે ઘટા પણ ડઘાઈ,
ફિકર બસ હવે તારલાની ઘણી છે.

તું ચાહે છે એથી વધું શું હું માંગુ ?
પ્રણયની અમાનત ભલે પારકી છે !!

અહીં તું શું જાણે કે તારા વગર મેં,
ઘડી ખાલીપાની આ કેવી ખમી છે.

અા ફૂલોનું ખીલવું અને પાનખરમાં ?
કે 'પ્રત્યક્ષ' એની અહીં હાજરી છે.

રવિ દવે 'પ્રત્યક્ષ'