રોજની જેમ જ આવજે ને
સવાર નું છાપું લેવા
પપ્પા ની નજર તો છાપામાં
ને તારી નજર મારો ઉજાગરો શોધે
રોજની જેમ જ આવજે ને
ચાવી લેવા ને મુકવા
પપ્પા ની નજર તો છાપામાં
ને તારી આંગળી મારો સ્પર્શ શોધે
રોજની જેમ જ આવજે ને
મોસમ નો હાલ પુછવા
પપ્પા ની નજર તો છાપામાં
ને મારું મન વાસંતી ટહુકા શોધે
રોજ ની જેમ જ આવજે ને
હું સાસરે થી ફોન કરીશ
પપ્પા ની નજર તો છાપામાં
તું "હલો "કે ને મારી ગઇકાલ શોધે..
માના વ્યાસ
No comments:
Post a Comment