અલી છોડી , ચ્યમ આટલી બધી મૈડાય સ ?
હું સ એવું તારામાં ક આટલી કતરાય સ ?
મેળામાં ચેટલીય છોડીયું હારી હારી સ
ચ્યાં કોઇ આટલો બધો ભાવ ખાય સ ?
આંખ્યુંના આવા ઊલાળા ન કર તું
અમન ભર ઊનાળ ટાઢ વાય સ .
થોડાં આભલાં હું જડ્યાં પોલકામાં તૈં
આમ ઊલળી ઊલળી ન હરખાય સ .
હજી તો કાંય બોલ્યા ય નઇ અમે તોય
હું કાંમ પસ આટલી બધી શરમાય સ .
કઇ દેન એક વાર દલડાની વાત તારી
બોલ્યાના ચ્યાં પૈસા કાંય થાય સ .
જોઇ લે પસ આ બંદાનો ઝપાટો
ચેવાં પરેમનાં ગીતડાં ગાય સ !!!
જશુ પટેલ
૨૧-૦૨-૨૦૧૭
યુ.એસ.એ.
ચ્યમ = કેમ મૈડાય સ = મરડાય છે
સ = છે કતરાય સ = કતરાય છે
ક = કે ચેટલીય = કેટલીય
ચ્યાં = ક્યાં હું જડ્યાં = શું જડ્યાં
પસ = પછી કઇ દેન = કહી દેને
ચેવાં = કેવાં અમન = અમને
No comments:
Post a Comment