ગીત

તું    ભીની   ભીની   રાતો   લઇને   આવ  ,
તું    થોડો   વરસાદી  નાતો  લઇને   આવ .

ભીંજાય  પ્રેમમાં   લથબથ   રોજ   એવી ,
બીડાય      લજામણીના     છોડ    જેવી  ,
સપ્તરંગી   સ્નેહાળ  વાતો   લઇને   આવ.
તું   ભીની    ભીની   રાતો    લઇને   આવ

કરી    દે    બાગ    બાગ    મુજ    દિલને ,
સજાવી  દે  અહીં    રંગભરી    મહેફીલને ,
પવન  એવો  મસ્ત  મદમાતો  લઇને  આવ .
તું    ભીની   ભીની   રાતો    લઇને   આવ  ,

કરાવે   મોજ  ,  ને   કરાવે  ભરપુર  મસ્તી ,
નિહાળી   જેને    આવે   હૈયામાં    ભરતી ,
પ્યારી  પ્યારભરી  , સોગાતો  લઇને   આવ .
તું    ભીની    ભીની   રાતો   લઇને   આવ  .

રંગની   ઉછળે   છોળો   ચોમેર   ચમકતી  ,
લાગે    જાણે   'જશ'   દામિની    દમકતી ,
હસીન   પ્યારી   મુલાકાતો   લઇને   આવ .
તું    ભીની   ભીની   રાતો    લઇને   આવ  ,

તું    ભીની   ભીની   રાતો   લઇને   આવ  ,
તું    થોડો  વરસાદી  નાતો  લઇને    આવ .

                      જશુ  પટેલ
                    ૨૯-૦૪-૨૦૧૭
                       યુ.એસ.એ.