ગુજરાત !
શ્વાસમાં સંચરે,શબ્દમાં અવતરે ગુજરાત !
નરસિંહ,મીરાંના પદોમાં,વિસ્તરે ગુજરાત !
ગરવા ગીરમાં ડણક સંભળાય,સાવજની,
ચારણ કન્યાની હડીમાં, પ્રસરે ગુજરાત !
દાદા મેકરણનું 'જીનામ', રણને હોંકારો દે,
લાલિયા મોતિયાની આંખમાં,સરે ગુજરાત !
રૂપ એનું અલખ,વરતાય જેસલ-તોરલમાં,
સાધુઓનાં ધવલ વસ્ત્રોમાં ફરે ગુજરાત !
રણકાંધીએ દત્તાત્રેય ,હાજીપીરનાં બેસણા,
સાધુ હોય કે મૌલા,પગે પડી તરે ગુજરાત !
***
-કૃષ્ણકાંત ભાટિયા 'કાન્ત'
No comments:
Post a Comment