સરનામું : તરહી
રણનું છે મૃગજળ સરનામું!
ફૂલનું છે ઝાકળ સરનામું!
કૌતુક કેવું કાગળમાં છે!
આગળ ને પાછળ સરનામું! #
સરનામું ભૂલું હું ક્યાંથી?
છે તારો કાગળ સરનામું! #
બે ડગલાં આગળ દોડ્યું છે
નસીબની આગળ સરનામું!
શરણાઈના સૂરની સાથે
વાગે જ્યાં ભૂંગળ, સરનામું!
કાગળ પત્તર જાશે પાછા!
વાસેલી સાંકળ સરનામું!
આંબાને શું શોધે હરિયા?
અહીંયા તો બાવળ સરનામું!
- હરિહર શુક્લ
૨૦-૦૬-૨૦૧૭
# તરહી મત્લાની પંક્તિઓ
No comments:
Post a Comment