0 અફવા છે 0
--------------------
તીક્ષ્ણ ને ધારદાર અફવા છે
આપણી આરપાર અફવા છે
ઠીંગણુ છે વજૂદ કીડીનું
लांबी-लांबी કતાર અફવા છે
જે હવેલીમાં આપ બેઠાં છો
એનું એકાદ દ્વાર અફવા છે
તથ્યની આ તરફ ઊભો છું હું
તથ્યની પેલે પાર અફવા છે
આપણું એક મ્હોરુ માણસનું
એની સામે હજાર અફવા છે
આદમી આદમી છે એક વખત
આદમી લાખ વાર અફવા છે
આપણે ઓઢી એ જ ચાદર છે
જેનો પ્રત્યેક તાર અફવા છે
- ભરત ભટ્ટ
( 'મીણના માર્ગ પર' માંથી )
No comments:
Post a Comment