ગઝલ : - નિકળતો થઇ ગયો .
--------------------
એ ગલી કાયમ નિકળતો થઇ ગયો .
હું ય સુરજ જેમ બળતો થઇગયો .
આંખ જ્યાં મીંચાઇ એની બેઘડી ,
પ્રેમ પર જાણે કે પડદો થઇ ગયો
ઠોકરો ખાધી હતી,જે રાહમાં ,
એ પછી તો સાફ રસ્તો થઇ ગયો .
માપવું ના કાપવું, બસ આપવું ,
પ્રેમનો સાચો શિરસ્તો થઇ ગયો .
ચાલ જઇએ આપણે સામેથી ત્યાં,
મોત સાથે પણ ઘરોબો થઇ ગયો .
રોજ એની યાદમાં મરતો હતો ,
જીવવાનો એ અભરખો થઇ ગયો .
એક કોયલ આજ તો હાલી મળી ,
ભરવસંતે જીવ બળતો થઇ ગયો .
મોત પર મારા રડે છે લોક આ ,
એ જ તો આ પ્રેમ પરચો થઇ ગયો .
- દેવેન્દ્ર ધમલ
No comments:
Post a Comment