ગઝલ

વાત છેલ્લીવાર કહેવા દે મને.
યાદ માં તારી તું રહેવા દે મને.
ગાલ તારા ચૂમવા ની આરઝૂ.
આંસુઓ ની સંગ વહેવા દે મને.
થવું છે સોનું હવે મારે જ તો.
આ અગન નો તાપ સહેવા દે મને.
અન્ય થી વાંધો નથી તેથી જ તો.
જાત સાથે રોજ લડવા દે મને.
ગાલ ના ખાડા મને મંજૂર છે.
મારી ઈચ્છાએ જ પડવા દે મને.
હાસ્ય જો ને દાસ્ય નો પર્યાય છે.
એટલે થોડોક રડવા દે મને.
હા નથી વિશ્વાસ"રશ્મિ"જળ ઉપર.
રણ ને તડકા થી પલળવા દે મને.
-ડૉ.રમેશ ભટ્ટ"રશ્મિ".