ગઝલ

સૂકાં સાથે લીલું ય બળતું રહ્યું છે;
નયન વાટે હૈયું નીકળતું રહ્યું છે.

પરાપૂર્વથી એજ બાજી ને ચોપાટ--
ઘરે સોગઠું રોજ મળતું રહ્યું છે.

ઉપરથી દિસે છે બધું શાંત કિન્તું;
ભીતર કોઈ કાયમ કકળતું રહ્યું છે.

વિવશતા, વલોપાત મન સાવ ઋજું--
ગઝલ પાત્ર અક્ષયથી ગળતું રહ્યું છે.

સતત એવું લાગે કે કીર્તિનું તોરણ--
સૂકાં પાંદડાં થઈને ફળતું રહ્યું છે.

નથી આંખ કોરી ય રાખી શકાતી,
ઊનું તારું આંસુ ત્યાં ભળતું રહ્યું છે.

સપન શ્વેત વસ્ત્રોને ધારણ કરે છે--
હજું ક્યાંક કોઈ રઝળતું રહ્યું છે !
02:50    ----------ગુણવંત ઉપાધ્યાય
16102018