આ બધા ઠંડા કલેજે ત્રાસ આપે છે મને,
શ્વાસ સઘળા લઇ અને ઉચ્છવાસ આપે છે મને.
રામ કે લક્ષ્મણ નથી હું, પાંડવો પૈકી નથી,
કોણ જાણે કેમ એ વનવાસ આપે છે મને.
સિંહ છું હું , એ બધાને છે ખબર ને તે છતાં
રોજ સાંજે ને સવારે ઘાસ આપે છે મને.
મુકદમો ચાલી ગયો, નિર્દોષ છૂટ્યો પણ હવે,
જિંદગી દરરોજ કારાવાસ આપે છે મને.
'પુષ્પ ' જેને રાત દિન પીવડાવ્યું છે એ જ તો
દૂરથી પ્યાલા બતાવી પ્યાસ આપે છે મને.
---- પબુ ગઢવી 'પુષ્પ '
No comments:
Post a Comment