ગઝલ

પ્રત્યેક   શ્વાસ - શ્વાસે  શ્વાસો ગણી રહ્યો છું,
કોરી    કિતાબના    હું    પૃષ્ઠો ગણી રહ્યો છું.

થોડી છે રાત તો પણ, ઝાઝા છે વેશ તો પણ,
ઉકલી  નથી  શક્યા  એ  પ્રશ્નો ગણી રહ્યો છું.

ફળમાં છે  રસ  તને   તો  તું  ભોગવી શકે છે,
હું  તો  આ  માર્ગ પરનાં  વૃક્ષો ગણી રહ્યો છું.

કંઈ  કેટલાં  વરસથી   પૂરી  ન  થઈ ગણતરી,
કંઈ  કેટલાં  વરસથી   જખ્મો ગણી રહ્યો છું.

ગણવા સમું  બીજું કંઈ  પાસે નથી વધ્યું તો,
અક્ષર  ગણી રહ્યો છું,  શબ્દો ગણી રહ્યો છું.

                      - બાબુલાલ ચાવડા 'આતુર'