આજ મારી બોરડીને આવ્યાં છે બોર,
અલ્યા , વાડ કરી દઉં ચારે કોર........
આજ મારી. .....
ધોળાં ઝીણેરાં એ ફૂલોથી ઓપતી,
નનકેરાં ગોળ ગોળ પાંદડિયે શોભતી,
એના રૂપ માથે કાંટા ઓળઘોળ,
મારી બોરડીને આવ્યાં છે બોર. ....
પાલવમાં પોઢાડે માત જેમ બાળને ,
લપાયાં પાંદડિયે ચીપકીને ડાળને ,
જાણે ટાબરિયાં ગોળમટોળ,
મારી બોરડીને આવ્યાં છે બોર. ....
પાંદડાંની કોરેથી મીઠુ મીઠુ મલકે ,
પીળી ચમક એની આંખોમાં છલકે ,
મહીં ખાટીમીઠી છોળમછોળ ,
મારી બોરડીને આવ્યાં છે બોર. .
જોબનને ભારે નમી જાણે નમણી છે,
લચી લાવણ્યથી જાણે કોઇ રમણી છે
હવે જીભલડી થૈ છે તરબોળ, મારી બોરડીને આવ્યાં છે બોર .....
'દાજી'
No comments:
Post a Comment