ગઝલ

નજર

નજર હેરતઅંગેઝ જાદુ ઇલમ કરે  છે
ગમે દર્દ પર ઝખ્મ ની મલમ બને છે

મળે ક્યારે રોમાંચકારી ક્ષણો  લાવે છે
અતીતના મધ મીઠા સ્મરણો લાવે છે

શિકારી   સમ  વેધક  બાણ  ચીંધે   છે
હૃદયના  સરસંધાનથી અચૂક વીંધે છે

નજર નિર્દોષ શરમ ઘેલી ઢળેલી લાગે 
કરતબ તેના સીંદરી જેમ વળેલી લાગે

જામ છલકાવે પ્રેમ ના મલકતી   આવે
ક્યારેક વર્ષામાં ઢેલ જેમ ઢળકતી આવે

કામણ એવા કરે  દિલે થાય   ગુદગુદી
નયન બાણ તીવ્ર થાય ખુદની ગુમસુદી

લપેટે પૂર્ણ રીતે ને લે ભરડો અજગરી
કામિની ની નજર ની અજબ કારીગરી

ભલભલા ચમરબંધીને પળ માં તોડતી
લંકાની લાડી ને ઘોઘા  સાથે   જોડતી

નજર સુરક્ષિત બચી સમજી ને ચાલવું
પણ મળે કોઈ મધુર તો પ્રેમે  મહાલવું

હેમ નહિ મળે શબ્દો નજર કરે પાંગળા
મહાન કઈંક ને જોયા થતા   ગળગળા

ડો.હેમેન્દ્ર જોષી