ન હારવાનો, ન જીતવાનો
છે પ્રશ્ર ખાલી મુકાબલાનો
વિચાર કેવો, છે એ મજાનો
મને મળે જો પરમ ખજાનો !
છે સાત ફેરાં , કલમની સાથે
છે સ્યાહી અવસર,વધાવવાનો
તું બાંધ ક્ન્ની ,જીવન સુવાસે
પછી લે લ્હાવો , ચગાવવાનો
અહીં ચડે છે ,ઇશુ ય શૂળી
વિષાદનાં કર , મળી સજાનો
દીધું ય એણે , લીધું ય એણે
હતું શું તારું , બચાવવાનો?
મળી હજારો, છૂટા પડયાં પણ
એકાદ ભીતર , વસે છે છાનો
---- કવયિત્રી - પ્રજ્ઞા વશી
No comments:
Post a Comment