હુંપણાને વ્હેરવાનો થાક લાગે છે મને,
રોજ મ્હોરાં પ્હેરવાંનો થાક લાગે છે મને,
રેખ મનગમતી નથી દોરી શકાતી હાથમાં,
સાવ અણઘડ ટેરવાનો થાક લાગે છે મને.
આ સમય પીધા કરે છે જાતની સિગારને,
રાખને ખંખેરવાનો થાક લાગે છે મને.
માંડ મુઠ્ઠી સ્વપ્નને ભેગાં કરેલા હોય ને,
એ જ પાછા વેરવાનો થાક લાગે છે મને.
રેશમી દોરી સમુંયે કોઈના અસ્તિત્વને,
ચોતરફથી ઘેરવાનો થાક લાગે છે મને.
હર્ષા દવે.
28/1/17
No comments:
Post a Comment