🍀🍀🍀🍀🍀🍀🍀🍀🍀🍀🍀
બેય બરોબર,
ફકીરી હોય એને વાસંતી વાયુ કે
ચોમાસે રહકતી કાયું.
ખોલી વા બંધ કરી રાખે અંદર નદિયું
સાત સાથ કરતી ઝીકોરા,
આંખ સામે ફૂલ મૂલ શૂલ ધૂલ સરખા
તોલીને બેસે એકનોરા.
રકઝકતી ચકમક કે સળગતો હૂકકો,
પગલાં, પર્વત, ટેકરીને ખાયું.
બેય બરોબર, ફકિરી હોય એને....
લાગણી કે માગણીને નાખે ગમાણમાં,
ઈ ખીલેથી વહી જાય દૂર,
જીવતરમાં હારજીત હોય નહિ,
જીવ્યા હોય મરીને પ્રગટાવી નૂર.
મન જાય એમ જાવું નહિ કાગળ સમ,
દરિયા સમ વાદળમાં છાયું.
બેય બરોબર, ફકિરી હોય એને......
ડૉ. ભાવેશ જેતપરિયા
🍀🍀🍀🍀🍀🍀🍀🍀🍀🍀🍀
No comments:
Post a Comment