ગીત

*શોધું મારી માવડી*

ચંદા તારી ચાંદની,
આભે ઓઢાળી રાતડી .
તારલાથી ભરેલી છાબડી ,
તેમાં શોધું હું મારી માવડી .

             યાદ આવે તારો ખોળો,
            આશરો મારો આજે શંભૂ ભોળો
            હાલરડા તારાં કેવા મીઠાં ,
            કયાંય વ્હાલ એવા ના મધૂરા દિઠા.

સપનામાં હું ડઘાતો ,
બાથ ભરવાં તને ભરમાતો .
તારા વિણ આ જન્મારો ,
લાગે છે મને સાપનો ભારો.

            તારા વિના મને કોણ જગાડે ,
            લાડલો કહિ કોણ મને બોલાવે!
            પલેપલે તને હું યાદ કરતો,
            માણહે માણહે ગુણ તારાં હું ગાતો.

ચંદા તારી ચાંદની ,
આભે ઓઢાળી રાતડી.
તારલાથી ભરેલી છાબડી ,
તેમાં શોધું હું મારી માવડી .

કાજલ કાંજિયા 'ફિઝા'
8/1/2016