ગઝલ

દિલ   તો  આપ્યું   ,  બીજું   શું   આપું  બોલ ,
તને    હૈયાના   કયા   ખૂણામાં   રાખું    બોલ .

સદાય    લાગે   એમ     કે ,    છે     તું    મારો ,
એટલો   બધો   ગહન    છે    પ્રેમ   આ   તારો ,
હવે   તો   હું   પણ    કેમ   કરીને   માપું   બોલ .
તને    હૈયાના    કયા    ખૂણામાં    રાખું    બોલ  .

પામવાને    તને    દોડું    છું   વેગથી   બમણાં ,
જાણું   છું   કે   મિલન   શક્ય  નથી   હમણાં ,
પણ    આશાના   દોરને   કેમનો   કાપું   બોલ .
તને    હૈયાના   ક્યા    ખૂણામાં   રાખું    બોલ  .

દિલમાં   તારા   શું   છે  ?   ખબર  નથી   મને  ,
જાણતી   નથી  ,  કેટલો   પ્રેમ   કરુંં  છું   તને ,
હૈયામાં   છાપ્યો ,  બીજે   ક્યાં   છાપું   બોલ .
તને    હૈયાના    ક્યા   ખૂણામાં   રાખું    બોલ  .

ક્યારે   નહિ   કહું   તને  ,   તું   આઘો   ખસ  ,
તને  જ  કહું   છું   મારા  મનની   વાત  'જશ' ,
મનના  આ   દ્રારને    કેમ   કરી   વાખું   બોલ .
તને   હૈયાના    ક્યા   ખૂણામાં    રાખું    બોલ  .

દિલ  તો   આપ્યું  ,  બીજું   શું   આપું   બોલ ,
તને    હૈયાના   ક્યા    ખૂણામાં    રાખું    બોલ  .

                      જશુ  પટેલ
                     ૨૦-૦૨-૨૦૧૭
                       યુ.એસ.એ.