ચીજ-વસ્તુઓ ખરીદારીઓ જોતા હોય છે
ને નફા નુકશાન વેપારીઓ જોતા હોય છે !
સુખ અને દુ:ખના વિચારો આવતા હોતા નથી
એવી બાબત માત્ર સંસારીઓ જોતા હોય છે !
આપીને મત જે બનાવે છે અહીં સરકારને
એની અરજીઓ અધિકારીઓ જોતા હોય છે !
પ્રેમ કરતા હોય છે તે પ્રેમ કરતા હોય છે
ને બીજા તેઓની લાચારીઓ જોતા હોય છે !
યુદ્ધનાં મેદાનમાં તે ઉતરે છે બાદમાં
પહેલા તે દુશ્મનની તૈયારીઓ જોતા હોય છે !
મિત્રતા બંધાઇ જાતી હોય તેના મૂળમાં
એકબીજાની સમજદારીઓ જોતા હોય છે !
- ભરત વિંઝુડા
No comments:
Post a Comment