ગઝલ

આ જગતમાં તો અમર કોઈ જ નથી,
મૌત જેવી હમસફર કોઈ જ નથી.

સાથ કફન સિવાય આવે કઇ નહીં,
આ કથનથી બેખબર કોઈ જ નથી.

મીટ માંડી ક્યારના બેઠા અમે,
દૂર તક આતૂ નજર કોઈ જ નથી.

હોય જયાં ત્યાંથી જલ્દી તું આવને,
જીવતું પ્રાણો વગર કોઈ જ નથી.

આજ બારે મેઘ વરસ્યા કર ગગન,
પલડવાનો જ અવસર કોઈ જ નથી.

કે જખમ પર જખમ બસ એવા કર્યા,
એમણે રાખી કસર કોઈ જ નથી.

કોઈ ખુશી કોઈ ગમ મુજને નથી,
મિલન-વિરહની અસર કોઈ જ નથી.

આમ નીકળ્યો છું જગતમાં શોધવા,
મંઝિલો ને, પણ સફર કોઈ જ નથી.

મૌત મારૂં ક્યારનું છે થઇ ગયું,
ક્યાંય પણ મારી કબર કોઈ જ નથી.

પ્રેમની આ રાહમાં "જયલા" હવે,
આપણો રહૈગુજર કોંઈ જ નથી.

29-06-2011
"જયલા" જયેશ પ્રજાપતિ