ગીત

ગીત ગઝલ સ્પર્ધા માટે આ ગઝલ

પ્રવાહો મા ભળી જાવૂં મને કેવી રીતે ફાવે?
હઠીલા આ હય્દય ને તુજ કે' ને કોણ સમજાવે?

દિવસભર રાહ જોઇ ઓટલે બેસી રહે છે માં
ને ઘરડાઘર નો કાગળ લૈ ને સાંજે છોકરો આવે

લખાયો ક્યાં હતો અંધાર કાયમ ભાગ્ય માં તો પણઃ
ગરીબી આંધળીનો દિવડો છે કોણ પ્રગટાવે.

ગઝલ, મુક્તક, રુબાઇ, હાઈકુ, સોનેટ હો કે પદ
ઢળીને કોઇ પણ ઢાંચા મા કેવળ લાગણી આવે

હું પાગલ કયાં હતો કે રાતભર જાગ્યા કરું છું પણ
ફકીરી રાતરાણી છે દિવસને કેમ મહેકાવે?

સમજદારી ઉપર શંકા કરું છું એટલા માટે
ભણી બે ચોપડી માબાપને સંતાન સમજાવે!

તરસ ની એ ચરમસીમાએ હું 'મહેબૂબ' પહોચ્યો છું
હવે તો ગટગટાવું છું હળાહળ પણ ભલે આવે
મહેબૂબ આર. સોનાલિયા