જીવનમાં પહેલા જેવી એ દિવાનગી ના રૈ.
જીવન હજીય એજ છે પણ જિંદગી ના રૈ.
ટૂંકા થયા છે અંગ પ્રદર્શનમાં વસ્ત્ર જ્યાં;
એવી છે આધુનિકતા જ્યાં શરમીંદગી ના રૈ.
લુભાવી જાય મન આ છે ક્યાં ? અપ્સરા હવે;
મોહક ચહેરે જે હતી એ સાદગી ના રૈ.
જો હોત રાત આ તો ફરીયાદ કરતો હું;
આ ચાંદ સામે દિવસે નારાજગી ના રૈ
*"સર્જક"* શું ઉપચાર પ્રણયનો કરે હજી ?
એના વિરહમાં કોઈ હવે માંદગી ના રૈ.
*-ગૌતમ પરમાર "સર્જક"*
No comments:
Post a Comment