મારી માતૃભાષાની તો છે ઘણી વિસાત ,
લાગે ગોળથી ય મીઠી જયારે કરું વાત ,
દેશ તો જુઓ મારો છે ઘણોય વિશાળ ,
એમાં નાનકડો મજાનો એ મારો પ્રાંત ,
બધા સમાઈ જાય એવું દરિયાદિલ ,
જુએ ન ક્યારેય કોઈ પણ નાત -જાત ,
તહેવારો તો ઉજવે એવા શાનદાર ,
નોરતામાં ઘૂમે રે ગરબે આખી રાત ,
ચ્હાની ચુસ્કીએ માણે ખાખરા ને થેપલાં ,
સબડકે ખાય પાપડ સાથે દાળ - ભાત ,
છે ગુજરાતી હોવાનું ગૌરવ મને ,
શાનથી બોલું જય જય ગરવી ગુજરાત .
હિના શાહ " મહેંદી "
No comments:
Post a Comment