*પલ | હૃદયનો સીધો અનુવાદ*
એક જણ અંદરથી આખો તૂટવા તૈયાર છે,
તું કહે તો જાતમાંથી છૂટવા તૈયાર છે.
એકડો તો આવડે છે પણ, શરૂ ક્યાંથી કરે ?
તું કરી દે શ્રી સવા તો ઘૂંટવા તૈયાર છે.
કાચ માફક જીવવાનું હોય તો કાઠું પડે,
જે સ્વભાવે સાફ છે એ ફૂટવા તૈયાર છે.
હું નિયતને સાફ રાખું તો ય એ શંકા કરે,
ફૂલ-શો સંબંધ છે ને ચૂંટવા તૈયાર છે.
બારણું અભિમાન રાખે તો કહો : *આલાપ* છે,
ભીંત સાથે રોજ માથા કૂટવા તૈયાર છે.
રંગબેરંગી શુભકામનાઓ અને મોજ મસ્તી સાથે...
*આલાપ* મહેતા
#CM_Sarkaar
No comments:
Post a Comment