રંગોનો તહેવાર છે ગોરી, ગુસ્સો નાંખો ઢોળી,
આવ જરા તું ઓરી,આપણ રમીએ હોળી હોળી
લાલ,ગુલાબી,પીળો,વાદળી,લીલો,કેસરી,કાળો
મારીને પિચકારી વાલમ,કરે કાંકરીચાળો
આવ તું અોરો તને બતાવું નાંખુ મુજમા ઘોળી
આપણ રમીએ હોળી હોળી....
નેણ તમારા રાધાજી,હું કાનો કામણગારો,
પ્રેમરંગથી ગોકુળની આ ગલી ગલી શણગારો
રંગ પરે રંગ ચડવા દો આ લાગણીઓ છે ભોળી
આપણ રમીએ હોળી હોળી
દોડો પકડો ભાગો...પેલું ધસી આવતું ટોળું,
એકે કોરું જાય નહીં લ્યા, ખેંચો તો.. રગદોળુ
એકબીજાના ભીતરમાં પૂરી દઇએ રંગોળી...
આપણ રમીએ હોળી હોળી...
....વર્ષા પ્રજાપતિ ઝરમર
No comments:
Post a Comment