ગઝલ : ભરત ભટ્ટ 'તરલ'
----- ***** ----- *******
સૂરજ શ્વાસનો અસ્ત થાશે ગુફામાં
ને અજવાળું અંતે છવાશે ગુફામાં
હથેળી હવે રિક્ત કંકોતરી છે
તમારા એ નામે લખાશે ગુફામાં
ગુફા ધણધણી ઉઠશે એજ સમયે-
હયાતીનો પથ્થર મુકાશે ગુફામાં
પછી ઝંખના ફીણ થઈને નીકળશે
પછી ધીમે ધીમે જવાશે ગુફામાં
ગુફા ઉતખનન પામશે ત્યારે; કેવળ
ગુફાનીજ ગઝલો ગવાશે ગુફામાં
ભરત ભટ્ટ 'તરલ'
('દસમો દાયકો', જુલાઈ-સપ્ટે, 1994 માંથી સાભાર)
No comments:
Post a Comment