હવે જીવન સફરમાં ભાર લાગે છે
તમારી યાદ ત્યાં ચિક્કાર લાગે છે
ન ફાવે તો કહી દો પણ ન તડપાવો
તમારો પ્રેમ પણ ઉપકાર લાગે છે,
તને લાગે છે દુનિયા જે અસલમાં એ-
મને તો કોઈનો વિચાર લાગે છે.
હશે તારા ખુદાના ઘર આ મંદીરો,
મને તો આ બધુ વ્યાપાર લાગે છે.
દવા ખુટી નથી દર્દો વધી ગ્યા છે ,
ધરા આખી મને બિમાર લાગે છે.
તમે જીવન કહો છો જેને પાગલ એ-
મને તો કોઈનો ઉતાર લાગે છે.
*પાગલ કોઈન્તિયાલ્વિ*
No comments:
Post a Comment