ગીત
સુખ-દુઃખમાં સમતા ધરીએ ,
જીવન ચંદરવા નીચે,હળીએ-ભળીએ !
અંતરમાં આ કોણ સમાણું ?
કોણ ભીતર ગાતું ગાણું ?
ચાલ,તુલસી કયારે સળવળીએ !
ઊંચે આભ ને નીચે ધરતી,
ઈચ્છાઓ અહીં-તહીં આથડતી.
હવે તો, આ સફરથી પાછા વળીએ !
કયા બ્રહ્મ ને ઓળખવા છે ?
તારી સાથે એને શું લેવા-દેવા છે ?
સૌથી પહેલાં જાતને મળીએ !
ચદરિયા,કબીરની ઓઢી,
જો,આ વસુંધરા પોઢી.
આપણે શેં જઈ બેઠા તળીએ ?
આકાશ,વૃક્ષો,પર્વત પણ પોકારે,
આવી જા હવે તું મારી વ્હારે.
સઘળાં ચોઘડિયાંને શુભ કરીએ !
***
- કૃષ્ણકાંત ભાટિયા 'કાન્ત'
No comments:
Post a Comment