ગઝલ

જોઈ તારી આંખ માં લાગે મને તો નૂર છે,
કેદ તારી આંખ માં પણ થવુ મને મંજૂર છે.
.
રાત ભર આ આંખડી સુતી નથી તારા વગર,
છો ભલે તું આંખ માં પણ તોય મુજ થી દૂર છે.
.
આ જગત ની ભીડ માં પણ સાથ તો કોઈ નથી,
સૌ ફક્ત બસ ખુદ ની વાતો મહીં ચકચૂર છે.
.
લોક લજ્જા ને મિટાવી જે અહીં તો છે ફરે,
એજ તો દુનિયા મહીં જો આજ તો મશહૂર છે.
.
આજ પક્ષીઓ અહીં કલરવ હવે કરતા થયા,
ઝાડ મારા આંગણે વાવ્યા તો મેં ભરપૂર છે.
.
એજ નખરાળી અને જો એજ છે પ્રેમાળ પણ,
પ્રેમ હું એને કરું છું એટલે મગરૂર છે.
.
એ બધું છોડી ને આવી એજ કારણ થી ફક્ત,
"મિત્ર" એની માંગ માં તુજ નામ નું સિંદૂર છે.
.
              મિત્ર રાઠોડ