ગઝલ

ગાલગાગા ગાલગાગા ગાલગાગા ગાલગા

નાસમજ ત્યારે હતો જન્મ્યો હતો હું દેહથી ,
મોકલી સમજાવવા જનમેદની પરલોકથી ,

પ્રેમથી જેણે ભણાવ્યા જિંદગીના પાઠને ,
વંદુ વારંવાર એ માબાપને હું હેતથી ,

જ્ઞાન આપ્યું જેમણે બંને વલણને દાખવી ,
એ ગુરૂઓના ચરણને હું પખાળું પ્રેમથી ,

જે સમજ આપી મને કપરાં સમયની સાથમાં ,
એ સમયને માન આપું દિલ તણા ઊંડાણથી ,

કેટલો ઉપકાર તારો માનવો હે દેવતા ,
ગળગળો આભારવશ થઇ હું નમું છું નેમથી .

હિના શાહ " મહેંદી "