Good morning gazal-2
##ગુરુજી###
અંધારામાં તો અજવાળા કરજો ગુરુજી,
આ ખાલી ઘટમાં જળ ઠંડા ભરજો ગુરુજી,
હું તપતી ધરતી છું કાળી વરસાદી બે,
બુંદો થૈને અંતરમાં મુજ સરજો ગુરુજી.
સંસારી છું માયાની ચાદર છે માથે,
એ દૂર કરી મારગ સાચો ધરજો ગુરુજી.
ભૂલોના આ ભવસાગરમાં રે'જો સાથે,
કાયમ મારી આંખો સામે ફરજો ગુરુજી .
ભૂલોનો ભંડારી ઝેરી પાપીલો હું,
પાપો મારા શંકર થૈને હરજો ગુરુજી.
-સંદીપ ભાટીયા"કવિ"
No comments:
Post a Comment