સૂડો ને એક સૂડી !
આકાશે ઊડતા જોવા હું પતંગ થઈને ઊડી,
લીલવણી પાંખે નભ આખુ સહજ કરી ઉપાડે !
સુરજની સાખે આખો દિ' સાતે વચન નિભાવે !
જોટો જગમાં જડે ન એવી જોઈ જુગત જોડી ,
સૂડો ને એક સૂડી !
એની રાતી આંખે વ્હાલપ પોશપોશ છલકાતી ,
પાસપાસ ઉડતા પણ એની પાંખ નથી અથડાતી !
ટહુકે ટહુકે છોડે મીઠી લાગણીઓની ઝૂડી !
સૂડો ને એક સૂડી !
સાવ અચાનક પાસે આવી સુડો સૂડી ટહુક્યા ,
વચન સૂણી મારા હૈયાના ઓરતડા સહુ તુટ્યા ,
મૈત્રી કરીશું, પહેલા તારો દોર નાખને તોડી !
પતંગ થઈને ઊડી !!
નેહા પુરોહિત
No comments:
Post a Comment