ડુસકાઓમાં છે ગઝલ અટકી
જે શાખે બેઠો તો એજ બટકી
બંધિયાર સરોવર આંસુઓનું
કેમ કરી ભરવી ત્યાંથી મટકી
ડુમાઓનું એક નગર રચાયું ને
એની જ ગલીમાં ચાલ અટકી
તારી ને મારી એક આંખ થઈ
જમાનાને આ જ વાત ખટકી
એક છાલક કરી ગઈ ઘાયલ
ભીની ઝુલ્ફો એને જયારે ઝટકી
હસું કે રોઉં એવી એક દ્વિધા
પ્રેમમાં આ કેવી તલવાર લટકી
"પરમ"ની શોધમાં થયો પરત
જાત"પાગલ"થઇ ખુબ ભટકી
ગોરધનભાઈ વેગડ (પરમપાગલ)
No comments:
Post a Comment