ગઝલ

ઘણી રીતે પરસ્પર છું ;
હું મૂર્તિ છું કે પથ્થર છું ?

મને  લાગ્યું ,સમંદર  છું,
હું કિન્તુ कांठानुं ઘર छुं.

હું  એવું એક કસ્તર છું,
ન નીચે છું,ન અધ્ધર છું.

ઉગે છે ઘાસ મારામાં,
ન ખેડાયેલું ખેતર છું.

*ઊંઘે  છે  કોણ મારામાં?*
*હું પથરાયેલ બિસ્તર છું.*

*તું કેવળ ઓમ એકાક્ષર,*
*હું ઘટનાઓ સવિસ્તર છું.*

ચિરંતન તું જ મારામાં,
હું તારામાં નિરંતર છું.

સતત ડંકાઉ દાંડી પર,
નગારુ છું કે ઝાલર છું ?

શબદ ઉકળે છે મારામાં,
કદી વાદળ છું ઝરમર છું.

વણેલી  तें  એ  ચાદર છું,
હું કાશી છું યા મગહર છું.

         *ભરત ભટ્ટ*