હૃદયમાં જ રહી ગઈ હૃદયની લાગણીઓ
ને ભીતર ધરબાઈ ગઈ સઘળી માંગણીઓ
ભીતરના દિપક પ્રગટાવવાની લ્હાયમાં જ
અમે જ સળગાવી છે અમારી આંગળીઓ
જાતને વીંધી નાખવાની હતી પરાકાષ્ઠા એ
માજા મુકે છે હવે આ રુદનની વાંસળીઓ
સંભળાય તો સાંભળી જુવો દર્દનો પોકાર
ડૂમો બની ચકચૂર થઈ છે આ પાંસળીઓ
સ્પંદનો યમુનાના કૈંક અકળાવી ગયા એમ
ધ્રુજી રહી છે ખુદ હવે કદંબની ડાળખીઓ
એક"પરમ"જ્વાળામાં હોમાઈ ગઈ આશ
રાખ બની હવે ઉડી રહી"પાગલ"લાગણીઓ
*ગોરધનભાઈ વેગડ* (પરમ પાગલ)
No comments:
Post a Comment