ઝંખનાઓને તજી શકતા નથી,
ઝંખવાથી પર રહી શકતા નથી !
એ ઈશારા પારખી શકતા નથી,
ને અમે સીધું કહી શકતા નથી !
હો પીડા તો કેટલીયે, તે છતાં
છીએ પથ્થર દિલ, રડી શકતા નથી !
ચાહતા કાયમ હતા ને ચાહીશું,
પાછા ચાહતથી વળી શકતા નથી !
વ્યક્ત કરવાની બધી કોશિષ છતાં,
ભાવને સૌ આવરી શકતા નથી !
શું નજર કોઈની લાગી ગઈ હશે ?
પ્રેમમાં આગળ વધી શકતા નથી !
ઓસરી ગઈ મારી જિજ્ઞાસા કે શું ?
કેમ પ્રશ્નો ઉદભવી શકતા નથી ?
- હેમંત મદ્રાસી
No comments:
Post a Comment