ગીત

*વૈરાગનું ગીત*

ત્યાગીને દુનિયા એ બન્યો છે વૈરાગી,
હારી થાકી 'સ્વ'ને સંબંધોથી ભાગી,

સંબંધ બધાં જોયાં પોતાનાં સ્વારથનાં,
જ્યાં બંધ મળ્યાં સૌનાં પોતાનાં જ અરથનાં,
અંતરનાં ઉંડાણે એવી અલ્લખ જાગી...ત્યાગીને●

બાકાત કરી લાલચ બાકાત કરી માયા,
સંસાર સમંદરથી તારી  ખુદની કાયા,
ઘેરા અંધારાથી નવલી જ્યોતી માંગી...ત્યાગીને●

ભગવાં સઘળાં કપડાં ત્યાં હેમ નથી ખપનાં,
ઈશ, મંદિર જીવન ત્યાં શું ઈચ્છા શું સપના!
ભક્તીથી હૈયાને કરતાલ સુરે રાગી...ત્યાગીને●

*- ભાવિન દેસાઈ 'અકલ્પિત'*