ગઝલ

Date: 5 Jun 2018

ગગન માં નાચી રહયા વાદળ ઋતુ વરસાદ ની આવી છે
વીજળી  કહે તું લખ કાગળ ઋતુ વરસાદ ની આવી છે

કળા કરી આજે મોરલા ટહુકા કરે ને નાચી રહી છે ઢેલો
વિદાય લઈ રહ્યું પેલું ઝાકળ ઋતુ વરસાદ ની આવી છે

ખેતર માં વાવણી નવા રૂપરંગ માટે થનગને  કેવી આજ
થનગની રહ્યા બળદો ને હળ ઋતુ વરસાદ ની આવી છે

શાંત સરોવરમાં લહેરો ખુશીની ઉછળી રહી કેવી જુવો
નદી વહેશે પાછી ખળખળ ઋતુ વરસાદ ની આવી છે

ધરતી પણ ખૂબ બેતાબ છે ચાદર હરિયાળી ઓઢવા
સૂરજ લાગે રતુબળો પડપડ ઋતુ વરસાદ ની આવી છે

વન વગડા ની વનરાઈ ઓ મૌન નાચી રહી છે મોજ થી
મેઘધનુષ નિરખવો છે હરપળ ઋતુ વરસાદની આવી છે

વિનોદગર બી ગુસાઈ મૌન
રાપર વાગડ કચ્છ