૨ ગીત

[6/9, 7:15 PM] bbjetpariya: અવધુ !

અવધુ ! ભાષા કૌન પદારથ ?
પશુ અને પંખી પણ પરખે પ્રેમ છે કે છે સ્વારથ...
અવધુ ! ભાષા વહી પદારથ.

અર્થભેદને આંતરી ખાલી આંખ ઈશારો કરતી ;
એ ભાષા પર દુનિયા આખી મન મૂકીને મરતી.
હવા બની સુંવાળી-સુગંધી, પ્રથમ પ્રહર પરહરતી !

રથ- રથીનો ભેદ ભૂલાવી બની રહે એ સ્વયમ્ ક્હાન કે પારથ...
અવધુ ! ભાષા વહી પદારથ...

સ્પર્શ-સ્વાદ ને કામ-મોક્ષ, જે મ્હોં -માથાથી બધુંબધ છે જાણે
સકળ બ્રહ્મ જઈ ઊભું રહે છે અકળ-અનૂઠી ભાષાના઼ ઠેકાણે
જડતી એ તો સિ઼જારવમાં, વરસાદ-સાગરે, કોઈ ગામઠી ગાણે...

બેક શબદનાં મૃગજળ-છળથી  કોણે કીધું કે થઇ ગયો તું મ્હારથ..
અવધુ ! ભાષા કૌન પદારથ ?

                     - અનિલ વાળા
[6/9, 7:15 PM] bbjetpariya: અવધુ (શ્રેણી ગીતોમાંથી વધુ એક)

અવધુ ! જનમ જનમનાં ઋણી...
જાણો તો છે કપાસનું ફૂલ, કાંતો તો છે પુણી ...
અવધુ ! જનમ જનમનાં ઋણી...

માટીમાંથી મન બને ને માટીથી તલવાર,
માટી થાજે! તારે કરવો હો તારા પર વાર !

ના રાખીશ તું તારા ઉપર સ્હેજ લાગણી કૂણી..
અવધુ ! જનમ જનમનાં ઋણી...

લોહી લોહીમાં ફેર અને તું લોહી તણો વેપાર,
માથા પર જે છે તે તો છે કંઈ જન્મોનો ભાર...

શ્વાસ વડે સળગાવ સમયને, ધખાવ ભીતર ધૂણી ...
અવધુ ! જનમ જનમનાં ઋણી...

              - અનિલ વાળા