તું સાથમાં રહે એ સફરનું મહત્ત્વ હોય !
બાકી તો આમ એકલાં ઘરનું મહત્ત્વ હોય !
જ્યાં આપણાં સિવાય કશું આપણું ન હોય!
શેરી ,ગલી એ ગામ, નગરનું મહત્ત્વ હોય !
મેળાઓ પૂરતી હોય તળેટીની ભવ્યતા ;
વાસ્તવમાં જાણીએ તો શિખરનું મહત્ત્વ હોય !
ક્યારેક એવું થાય નિડરતા મહાન છે !
ક્યારેક એવું થાય કે, ડરનું મહત્ત્વ હોય !
એમાં મહત્ત્વપૂર્ણ ફકીરી બની ગઈ ;
ફાકી બની ગઈ તે ફિકરનું મહત્ત્વ હોય!
આખી સભાને આમ તો કહેવાય છે ગઝલ
એકાદ દાદ માટે કદરનું મહત્ત્વ હોય !
ભરત ભટ્ટ
No comments:
Post a Comment